Parki

Ferlið

Það var ánægjulegt að vinna með Parka. Við verðum saman þarfagreiningu strax í byrjun og þar kom fram að það var löngu orðið tímabært að uppfæra vefsíðuna og smíða nýja snjallvæna vefsíðu með góð vörukerfi. Vefsíðugerðin gekk vel og tóku starfsmenn Parka virkan þátt í öllu ferlinu.

Vörukerfi og virkni

Vörukerfið var sett þannig upp að einfalt væri að finna alla vöruflokka og eins hægt að fá yfirlit yfir allar vörur í einum vöruflokk með einum smell. Eins var sett upp einfalt fyrirspurnarform sem sannaði sig strax því á fyrstu 2 vikum eftir að vefsíðan fór í loftið komu ca 30 fyrirspurnir gegnum formið. Skipulag veftrés og hönnun vörukerfis virðist hafa heppnast ansi vel því strax á fyrstu dögum eftir að nýja vefsíðan fór í loftið var fólk utan að landi byrjað að hafa samband og kaupa vörur sem það hafði fundið á nýju vefsíðunni.

Vefumsjónarkerfi

Eins og aðrir góðir vefir, þá var þessi vefur forritaður með WordPress vefumsjónarkerfi og er því 100% snjallvænn og virkar flott á öllum helstu snjalltækjum. Vefsíðugerð með WordPress gerir starfsfólki Parka mögulegt að uppfæra vefsíðuna með einföldu viðmóti.

Útkoman

Um leið og vefsíðan fór í loftið var strax mikil ánægja viðskiptavina og eins starfsmanna Parka, enda mikil breyting til hins betra frá eldri vefsíðu. Okkur sýnist að þarfir viðskiptavinar hafi svo sannarlega verið uppfylltar. Ef okkar viðskiptavinir eru ánægðir þá erum við ánægð 🙂

Þakklæti

Allra Átta þakkar Parka fyrir ánægjulegt samstarf og við óskum Parka innilega til hamingju með nýja vefinn.